В Алматы отпраздновали «день жестянщика»

Алматылықтар «қаңылтыршылар күнін» атап өтті

Жазғы резеңкедегі көлікпен жүргендерге кешегі күн райы оңай тиген жоқ.

Әдеттегідей, «ойда жоқта» оңтүстік астананы қар басып, аяз құрсауына алды. Дегенмен метеосайттар мен смартфон қосымшаларындағы ауа райы болжамы күннің күрт суытатынын айқын көрсеткен болатын. Ең сақ жүргізушілер көлік шиналарын уақытылы ауыстырып үлгерді. Ал қазан айы мамыражай болады-ау дегенге сеніп жүргендердің біразы опық жеді ақыры.

 

View this post on Instagram

 

A post shared by KOLESA.KZ (@kolesa.kz) on

Кеше, түс ауа қала көшелері мен тау етегіндегі қалалар мен ауылдарды қар ұлпалары көмкере бастаған-тын. Нәтижесінде, сол кеште-ақ жол апаттары орын ала бастады. Жазғы шинамен жүргендердің жолы болғыштары тұрған орнынан қозғала алмаса, жолы болмағандар тайғақ жолмен, әсіресе еңіске қарай еріксіз құлдилады. Ал таң қылаң бере аяз басталып, жер бетіне кәдімгідей мұз қатты.

 

View this post on Instagram

 

A post shared by @kris_p_almaty Official 🇰🇿🚔🔝 (@kris_p_almaty) on

Бұл өңірде соңғы тәулікте орын алған кішігірім жол апаттары туралы тәртіп сақшылары жақ ашар емес. Алайда кешке, түнде және таңғы мезгілде олар аз болмаған сыңайлы. Ең өкініштісі — ауа райын болжаушылардың мәліметінше, жуырда аяздың беті қайтып, жаздағыдай жайлы да мамыражай күндер қайта оралатын көрінеді. (Алматы қаласы мен облысында сынап бағаны + 15 ⁰C… + 18 ⁰C шамасына дейін көтеріледі дейді). Әйтсе де көлік шиналарын ауыстыруды кейінге қалдырмаған жөн. Түрлі жағдайлар болуы мүмкін ғой.

Комментариев: 0

Чтобы оставить комментарий, вам необходимо зарегистрироваться или авторизоваться.