Оңтүстік астанадағы ауа температурасының түнде минус 15 межесін көрсетіп тұрғанына міне бір апта болып қалды. Былтырғы қыс бұдан әлдеқайда суық болса да, неге екені белгісіз, дәл осы күндері мегаполистегі қоғамдық көліктің жұмысында кідіріс байқалды.
Green Bus Company ЖШС-нің алматылық бөлімінің басшылығы барлығына қатал ауа райына төтеп бере алмай, бірден істен шыққан жаңа автобустарды кінәлайды, — деп хабарлайды КТК арнасы.
«Бізде жыл сайын қиын жағдай ауа жүйесі мен газ жүйесінде конденсат қатып қалуының салдарынан кейбір атвобустар тиісті бағытқа шыға алмаған кезде орын алады. Қазір заманауи автобустар толықтай ауа жүйесінде жұмыс жасайды. Яғни, рессорлар жоқ, тежегіштер де жоқ. Есік ашылмай қалса біз жүре алмаймыз, бір тежегіш істен шықса біз тағы да жүруден қаламыз. Яғни, мәселе тым көп», — деп түсіндірді автопарк директоры Бауыржан Күлішев.
Шын мәнінде, тасымалдаушылардың дәл қандай автобустарға көңілі толмайтыны түсініксіздеу. Себебі, қала үнемдеу мақсатында газбен жүретін техниканы сатып алуды осыдан екі жыл бұрын тоқтатқан болатын. Соңғы кездері оңтүстік астанаға тек дизельді ЛиАЗ және «ютонг» автобустары жеткізілген еді.
Мүмкін дизель қатып қалған шығар?
Комментариев: 1