Сенбі күні түстен кейін жауа бастаған жаңбыр кешке ауа температурасы төмендеген кезде қала көшелерін мұз айдынына айналдырды. Куәгерлер әлеуметтік желіде мегаполисте болған жол апаттары жайлы хабарлады.
Коммуналды қызмет өкілдері жолға құм сеуіп, көктайғақтың алдын алуға тырысты. Бірақ олар бұл жұмысқа жол апаты жиілей бастағанда ғана кіріскен.
Жексенбі күні оңтүстік астананы қар басып қалды. Қала әкімдігі баспасөз қызметінің хабарлауынша, өткен тәулікте Алматыда шамамен 6-7 см, ал тау бөктерінде 20 см-ге дейін қар жауды. Сенбіден бастап көшелерге 4000 тоннаға жуық құмды-хлоридті қоспалар себілген.
Қаланы қардан тазарту жұмысына 564 арнайы техника мен 1140 жұмысшы жұмылдырылды.
Болжам бойынша Алматыда жауып тұрған қар сәрсенбіде ғана басылады.
Комментариев: 0