Оңтүстік астана көшелеріндегі көпірлер 10 жылдан бері жөндеу көрмепті. Осы уақыт аралығында жолайрықтардың кейбір бөліктеріндегі тақталар құлап, су көпірдің жоғарғы жағынан қабырға бойымен аға бастаған. Қалалық мобильділік басқармасының баспасөз қызметі хабарлағандай, сәуірдің 13-інен 14-іне қараған түні олқылықтар түзеле бастайды екен. Жол мамандары ескі тақталарды алып, қабырғаларды сылайды, бұл кейінгі жөндеу жұмыстарының тым қымбатқа түспеуіне сеп болады.
Жөндеу жұмыстары Саин мен Абай даңғылының қиылысындағы көпірден басталып, мамыр айының соңына дейін жалғасады. Содан кейін Саин — Жандосов, Саин — Шаляпин, Әл-Фараби — Назарбаев, Әл-Фараби — Достық қиылыстарындағы жолайрықтар да жөнделеді. Аталған жұмыстар биылғы тамыз айының соңына дейін аяқталады деп жоспарланып отыр.
Жөндеу жұмыстары 10:00-ден 16:00-ге дейін және 21:00-ден 6:00-ге дейінгі уақыт аралығында атқарылатын болады. Жүргізушілер, жолда мұқият болыңыздар!
Комментариев: 0