Бүгін қала әкімдігі Желтоқсандағы BRT (Bus Rapid Transit) жолағы іске қосылатынын хабарлады. 14 желтоқсаннан бастап автобустар екі бағытта қозғалады. Алғашқы кезеңде 92 және 59 нөмірлі қоғамдық көліктер жүреді. Әкімдік нақты сызбасы мен кестесін кейін жариялайды.
4.6 шақырымға созылған жаңа желі Тимирязев көшесіндегі BRT мен Райымбек даңғылында салынып жатқан жолақты жалғайды, осылайша оңтүстік—солтүстік бағытта автобустар үздіксіз қатынайды.
Жоба бойынша арнайы жолақ жолдың шетіне сызылады, бұл тұрақ пен кептелістен туындайтын кедергілерді азайтады. Яғни, солтүстікке қарай автобус оң жақпен, қайтарда сол жақпен жүреді. Жеке машиналар Абай даңғылынан солтүстікке қарай бір бағытта қозғалады, жолақ саны бұрынғыдай қалады.
14 желтоқсаннан бастап жол жиегіне көлік қоюға болмайды.
Әкімдік жүргізушілер жол ережесін сақтап, жолдағы таңбалар мен белгілерге назар аударуға тиіс, бұл бөлікте камералар бар деп ескертті.
Комментариев: 0