Жол жөндеушілер Жандосовтың қала шекарасынан Дәулеткерей көшесіне дейінгі бөлігінде асфальт ауыстырады.
Қала әкімдігі хабарлағандай, 11 тамыз 23:00-ден 15 тамыз 23:00-ге дейін бұл бөлікте көлік қозғалысы реверсивті болады. Жол толықтай жабылмайды.
Реверсивті қозғалыс — арнайы жолақ арқылы көлік легін реттеу. Мұнда бағыт реверсивті бағдаршам немесе жол белгісі арқылы қарсы жаққа ауысады. Мұндай жолақта қос үзік таңба және арнайы жол белгісі болады: бөліктің басында 5.35 «Реверсивті қозғалыс» белгісі, осы аймақтан шығатын жерде 5.36 «Реверсивті қозғалыстың аяқталуы» белгісі тұрады.
Жөндеу жұмыстары жүріп жатқан Жандосов көшесі сияқты жерде қозғалыс бағыты қарбалас уақытта немесе жолдағы жүктемеге байланысты өзгеруі мүмкін.
Аяқталу мерзімі ауа райы мен құрылысқа байланысты өзгеруі мүмкін.
Сабыр сақтаңыздар, кептеліс болады!
Комментариев: 0