Жарамсыз техника жылдар бойы қала сыртында шаң басып жатты. 2021 жылы 573 көлік электронды сауда алаңына шығып, 93 314 747 теңгеге бағаланған еді. Алайда биыл 3 маусымда ғана клиент табылды. Ол қолданыстан шыққан автобустарды 160 332 109 теңгеге алды.
Электронды сауда алаңында сынған техниканы нақты кім алғаны көрсетілмеген. Бірақ иелік еткен «Алматыэлектротранс» ЖШС өкілдері Inform.kz-ке берген мәліметінде көліктерді «Арда Құрылыс» ЖШС сатып алғанын хабарлады. Компания ресми түрде Қызылорда облысында тіркелген, атауынан құрылыс саласында жұмыс істейтінін аңғарылады. Автобустар оған не үшін қажет болғаны белгісіз.
Сауда шарттары бойынша компания автобустарды 60 күн ішінде өзі алып кетуге тиіс. Ол машиналарды сақтау аумағынан тыс жерде ғана бөлшектей алады.
Комментариев: 0