Құрылыс нақты қашан басталып, қашан аяқталатыны әзірге белгісіз. Алдын ала мәлімет бойынша метроның үшінші желісі оңтүстік астананы Алматы — Қонаев трассасы бойында салынатын Алатау қаласымен байланыстырады.
Үшінші желі екі бөлікке бөлінеді. Біріншісі — «Мизам» базарынан «Сайран» станциясына дейін, екіншісі — Алатаудан «Мизам» базарына дейін.
Бірінші бөлік «Мизам» базарынан бастап Солтүстік айналма көшесімен Рысқұлов даңғылына дейін, кейін оңтүстік-батыс бағытта Тілендиев көшесіне дейін, Тілендиев бойымен оңтүстікке қарай «Сайран» станциясына қарай созылады. Метро станциялары мына мекенжайларда орналасады:
- № 1 — «Ялян» базары маңында, Солтүстік айналма бойында;
- № 2 — «Адем» сауда үйі маңында, Солтүстік айналма бойында;
- № 3 — Райымбек — Тілендиев қиылысында;
- № 4 — Төле би — Тілендиев қиылысында;
- № 5 — Абай — Тілендиев қиылысында, бірінші желіге ауысуға болады.
Екінші бөлік «Солтүстік» көлік торабынан Алматы — Қонаев трассасы бойымен Боралдай көшесіне дейін және Солтүстік айналма бойымен «Мизам» базарына дейін созылады. Бұл бөлікке жеті станция салынады:
- № 1 — Gate City жанында, «Солтүстік» көлік торабы аумағында;
- № 2 — «Кемел» ықшам ауданы маңында;
- № 3 — Солтүстік айналма мен Боралдай көшесінің қиылысында;
- № 4 — Солтүстік айналма бойымен Торговый переулок көшесінің қиылысында;
- № 5 — Солтүстік айналма бойымен әскери бөлімше жанында;
- № 6 — «Кенжехан» базары маңында;
- № 7 — «Мизам» базары маңында.
Анықтама ретінде: Алматы — Қонаев автомагистралі бойында орналасатын Алатау қаласы төрт ауданға бөлінеді:
- Gate District — қаржы және іскерлік орталық;
- Goldеn District — білім және денсаулық сақтау ауданы;
- Growing District — индустрия және логистика;
- Green District — Қапшағай су қоймасы маңындағы демалыс және ойын-сауық ауданы.
Метроның бірінші желісі «Алтын Орда» базарына дейін ұзарады.
Екінші желі «Жібек жолы» станциясынан әуежайға дейін созылады.
Комментариев: 0