Алматыдағы Абай — Достық қиылысы жабылады

Қазақстан полициясы күніне орай ұйымдастырылған «Полиция — ел қорғаны» фестивалі, концерт және дрондар шоуы бүгін кешке Абай алаңында өтеді. Осыған байланысты 19:00-ден 23:00-ге дейін Республика сарайының маңында көлік қозғалысы уақытша шектеледі:

• Достық даңғылының Құрманғазы көшесінен Сәтбаевқа дейінгі бөлігі (екі бағытта);
• Абай даңғылының Достықтан Назарбаевқа дейінгі бөлігі (екі бағытта).

Полицейлер көлік қозғалысын фестиваль қонақтарының санына қарай және қауіпсіздікті қамтамасыз ету мақсатында реттейді. Жүргізушілер бағытын алдын ала жоспарлағаны жөн.