В Алматы станет больше улиц с ограничением 40 км/ч

Алматыда жылдамдық сағатына 40 шақырымға дейін шектелетін көшелер көбейеді

Бұл жөнінде Алматы қаласының Қалалық мобильділік басқармасы басшысының орынбасары міндетін уақытша атқарушы хабарлады.

Оңтүстік астананың билігі қаладағы жол-көлік оқиғаларын азайту мақсатында көптеген шаралар қолданылатынын бірнеше мәрте айтқан болатын. Ал бұл мақсатқа жетудегі басты тәсіл — ең жоғарғы жылдамдықты шектеу. Сол себепті де 2018 жылы Әл-Фараби, Шығыс айналма тас жолы мен Саин көшелерінде 80 км/сағ межесінен асуға тыйым салынды.

2019 жылы да шенеуніктер жылдамдықты шектеуді жалғастырмақ. Алматы қаласының Қалалық мобильділік басқармасы басшысының орынбасары міндетін уақытша атқарушы Ернұр Абжахан «Қазақпарат» ХАА-не хабарлағандай, қаланың орталық бөлігінде жылдамдық Шевченко мен Құрманғазы көшелеріндегідей сағатына 40 шақырымға дейін шектеледі.

— Vision Zero концепциясының аясында біз өткен жылы жүргізілген жұмыстарды атқаруды жалғастырамыз. Бұл шаралар: жолдың жүргін бөлігінде қауіпсіздік аралдарын жасау, жарықтандыру, бағдаршамдар орнату, жаяу жүргіншілер жолағына жылдамдық бәсеңдеткіштер жасау және қаланың орталығындағы кейбір көшелердегі жалдамдықты 40 км-ге дейін шектеу, — деді Ернұр Абжахан.

Дәл қай көшелерде жылдамдық шектелетіні әзірше белгісіз. Қалалық мобильділік басқармасы тізімнің әлі бекітілмегенін айтты.

Комментариев: 0

Чтобы оставить комментарий, вам необходимо зарегистрироваться или авторизоваться.