Дмитрийдің Toyota Land Cruiser маркалы жол талғамайтын көлігі Құрманғазы, Абылай хан, Шевченко және Байсейітова көшелерінің маңында тұрған екен. Спортшының өзі Instagram парақшасында мәлімдегендей, кафеден тамақтанып шыққан кезде көлігінің айнасы ұрланғанын байқаған ол, бірден тәртіп сақшыларын шақыртыпты.
«Toyota Land Cruiser автокөлігін маған олимпиада өткеннен соң сыйға тартқан. Бір айнасының құны шамамен 400 мың теңгені құрайды. Біз Денис Тен қаза болған жерге жақын маңда отырған едік. Адамдар айна ұрлауды доғарар емес және бұл ашу тудырады. Біздің халық өзгермейді екен», — деп жазды Дмитрий Баландин.
Естеріңізге сала кетейік, өткен жылдың шілдесінде Құрманғазы мен Байсейітова көшелерінің қиылысында айна ұрламақ болғандар танымал мәнерлеп сырғанаушы Денис Тенді жазым еткен еді. Олимпиада чемпионы ол кезде ұрылардың үстінен түсіп, ұстамақ болғанмен, пышақ жарақатынан көз жұмған. Қаскөйлер кейін ұсталып, 2019 жылдың қаңтар айында барлығы да жазаға тартылды, алайда Денис қайтып келмейді.
Баландиннің жолы болғаны ма?
Толықтырылған ақпарат: Бүгін Орталық коммуникациялар қызметінің баспасөз конференциясында ҚР ішкі істер министрінің орынбасары Юрий Ильин Баландиннің көлігінің айнасы ұрланған сәт бейнебақылау камераларына жазылып қалғанын хабарлады.
«Расымен де олимпиада чемпионы Баландиннің көлігінің айнасы ұрланған. Қазіргі таңда тергеу шаралары жүргізіліп жатыр. Камералар аталған қылмысты тіркеген. Алматы қалалық Полиция департаменті бөлімдерінің жедел әрекеті қылмыскерлерді жуық арада ұстауға септігін тигізеді», — деп мәлімдеді Ю. Ильин.
Өз кезегінде Алматы қалалық Полиция департаментінің баспасөз қызметі бейнебақылау камераларынан алынған мәліметтердің толық талданғанын хабарлады. Қаскөйдің жеке басы анықталды. Оның ұсталуы тек уақыт еншісінде. Қазіргі таңда жедел әрекет ету қызметінің мамандары ұрланған айнаны іздеу және тәркілеу мақсатында жұмыстар атқарып жатыр. Осы мақсатта қолды болған мүлік өткізілуі мүмкін деген орындар жіті тексерілуде. Криминалды полицияның деректері бойынша, күдікті сол түні дәл сол маңнан Range Rover көлігінің де айнасын үптеп кеткен.
ничего не понял