Алматыда дизель мәселесі сәуірдің ортасында шешіледі

Әкімдік соңғы кезде облыс тұрғындары мен транзиттік көлік иелері тарапынан бір реттік тұтыну көлемі 30-35% көбейгенін және дизельге сұраныс артқанын хабарлады. Салдарынан кей жанармай бекетіне отын жеткізу қиындаған. Билік отынның жоқтығын қолдан жасалған тапшылық деп отыр.

Қала тұрғындарын, автобус парктерін, коммуналдық қызметті көгілдір отынмен қамтамасыз ету үшін жеке жанармай бекеттерінде дизельді шектелген мөлшерде беріп жатыр. Қазір ірі бекеттер мен мегаполистің мұнай базасында 8.8 мың тонна дизель бар. 4-5 күнде тағы 4.7 мың тоннасы келеді.

Шымкент мұнай өңдеу зауытында өндіріс қайта жанданғанда жағдай тұрақталады. Энергетика министрлігінің алдын ала мәліметі бойынша жөндеу жұмыстары сәуір айының алғашқы онкүндігінде аяқталады.

Жүргізушілер дизельді қымбат сатып алуға мәжбүр екені рас. Шенеуіктер бағаны қырғыз бен өзбекке теңестіргісі келеді.

Бүгінгі таңда Алматыда 213 жанармай бекеті жұмыс істейді, оның ішінде 6 ірі желіге 176 бекет (82%) тиесілі. Оңтүстік астана жанар-жағармайды үш кәсіпорыннан: «Петро Казахстан Ойл Продактс» Шымкент мұнай өңдеу зауыты (40%), Павлодар мұнай-химия зауыты (35%) және Атырау мұнай өңдеу зауытынан (25%) алады. 15 наурыздан бастап Шымкенттегі зауыт күрделі жөндеуге жабылды, сондықтан Алматыға отын тасу тоқтады. Осы кезеңде Павлодар мен Атыраудан шамамен 12 мың тонна көгілдір отын жеткізілген.