Алматыда әр оныншы көлік иесі салық төлемеген

Алматыда әр оныншы көлік иесі салық төлемеген

Салығы төленбеген машина айыптұраққа жіберіледі. Иесі жүргізуші куәлігінен айырылады.

Алматы қаласы бойынша Мемлекеттік кірістер департаменті өндірістік емес төлемдер бөлімінің басшысы Қуаныш Түменбаевтың айтуынша қалада 60 мың адам көлік салығын төлемеген, олар мемлекетке 5 млрд теңге қарыз. Мегаполисте 600 мың көлік тіркелгенін ескерсек, әр оныншы көлік иесі салық төлемеді деген сөз. Бес млрд қарыздың тең жартысы қозғалтқыш көлемі үлкен машиналарға тиесілі. Биылдың өзінде 1 млрд 200 млн теңге қарыз жиналып қалған.

17 маусымда мегаполисте «Салық берешегі жоқ қала» акциясы басталды. Салықшылар барлық борышкерге қарызды төлеу туралы ескерту жасалғанын айтады. Рейд кезде салық қызметкерлері полиция және жеке сот орындаушылармен бірге қарызы бар көлікті ұстап, айыптұрағына жібереді, ал иесі сот шешімімен көлік жүргізу куәлігінен уақытша айырылады.

Жұмыс маусымның аяғына дейін жалғасады. Салығы төленбеген автокөлік «Сергек» камерасының көмегімен анықталады.

Бүгін мамандар Жандосов көшесінде 1 млн 344 мың теңге қарызы бар Toyota Tundra-ны тоқтатты. Жүргізуші пикапты сенімхат арқылы мініп жүргенін айтып, дау шығармақ болды. Бірақ соңында банк қосымшасы арқылы онлайн төлем жасап, есеп айырысты.

Машинасы мен жүргізуші куәлігі тәркіленген жоқ, бірақ тұрғын енді сот орындаушылар алдындағы қарызын төлеуі керек, оның мөлшері өндірілген соманың 25 %-ына тең.

Көлік салығы бойынша қарыз бар-жоғын қалай тексереді

Көлік салығын е-Salyq Azamat мобильді қосымшасы, екінші деңгейлі банктердің қосымшасы (мысалы, Kaspi), Мемлекеттік кірістер комитетінің сайты немесе 1414/3 телефоны арқылы тексеруге болады.

Комментариев: 0

Чтобы оставить комментарий, вам необходимо зарегистрироваться или авторизоваться.