За неделю в спецЦОНах Алматинской области зарегистрировали около 5 000 авто

Алматы облысындағы ХҚКО-да бір аптада 5 мыңға жуық көлік тіркелді

Одан бөлек, қайта ашылған орталықтарда 1 600 адам жүргізуші куәлігін алған.

Аталған өңірде көлік тіркеп, жүргізуші куәлігін беру 13 мамырда басталды. Kolesa.kz тілшісіне «Азаматтарға арналған үкімет» ҰК-ның баспасөз қызметі хабарлағандай, қазір көлік тізгіндейтіндерге қызмет көрсететін орталықтар Талдықорғанда, Қарасай ауданында және Кемертоған ауылында жұмыс істеп тұр. Сонымен қатар, Қапшағай, Есік, Сарқанд және Жаркенттегі мамандандырылған ХҚКО секторлары да клиент қабылдауда.

Машинасын қайта тіркеп, емтихан тапсырып, жүргізуші куәлігін алғысы келген облыс тұрғындары орталықтарға дүйсенбі мен сенбі аралығында 10:00-ден 17:00-ге дейін жүгіне алады. Ал Талдықорғандағы бөлімше 1414 нөмірі, egov.kz порталы не eGovKzBot2.0 телеграм-боты арқылы алдын ала жазылғандарды ғана қабылдайды.

Мемлекеттік корпорация мамандары әзірше тек Талдықорғандағы орталықта ғана жүргізуші куәлігін алу үшін теориялық және практикалық емтихандар тапсырып, медициналық тексерістен өтуге болатынын атап өтті.

Орталықтарға барған азаматтар қашықтық сақтауы тиіс. Бетпердесіз жүргендерге қызмет көрсетілмейді.

Комментариев: 0

Чтобы оставить комментарий, вам необходимо зарегистрироваться или авторизоваться.