Қытайдың AutoFlight компаниясы құрастырған eVTOL аппараты 19 мамырда Алматы маңында көкке көтерілді. Біраз уақыт бұрын ерекше техниканың видеосын куәгерлер жария еткен.
Бүгін оны жақыннан көрдік.
Жоба менеджері Данияр Өтеулин ұшатын машина сағатына 300 шақырымға дейін жылдамдық алады, жүріс қоры 160 километрге жетеді деді. Ол еңсеретін ең ұзақ қашықтық
Құрылғы бірнеше сағат қуатталады. Ұйымдастырушылар Қытай не Америка техникаларының бірін таңдамақшы. Бірақ болашақта екі елдің де таксиі аспанымызда қалықтайтын сияқты.
Ұшу процесіне Alatau Advance Air Group компаниясы жауапты. Жобаға оның Оңтүстік Корея, Италия және Қытайдан келген серіктестері де қатысады. Аппаратты ұшыруға құзырлы органдар рұқсат беріпті, тест кезінде барлық қауіпсіздік талабы сақталады.
Қазір eVTOL болашақта бой көтеретін Алатау қаласының аумағында жүр. Бұл шаһарда биіктігі 3000 метрге жететін арнайы әуе кеңістігі салынып, онда пилотсыз және инновациялық көліктер тексерістен өтеді. Жолаушы және жүк таситын маршруттар мен дәліздер де осы маңнан орын тебеді.
Аэротаксимен қатынау құны белгісіз, бірақ жеке тікұшақ жалдаудан арзан болатын шығар. Жоба авторлары бағасын кәдімгі таксимен шамалас етуге ниетті.
Комментариев: 0