Мопед механикалық көлік құралы атанған 5 сәуірден бастап тәртіп сақшылары тексерісті күшейтті. Мототехника тіркеу қаңтарда басталған, енді жүргізуші куәлігі мен мемлекеттік нөмірі болмаса, скутер мінуге тыйым салынады.
Оңтүсітк астана полиция департаменті рейд барысында құжаты мен қорғаныш жабдығы жоқ кәмелетке толмаған мопедшілерді басты назарға алғанын хабарлады. Нәтижесінде үш күнде полиция 50 жүргізушіні ғана жазалады.
Елордада рейд 6 сәуірде басталған, сол күні 26 жол ережесін бұзу фактісі тіркеліп, 5 скутер айыптұраққа аттанды.
«Біз рейдті айыппұл салу үшін жүргізіп жатқан жоқпыз. Біздің мақсат — ескерту, түсіндіру және жаңа талапқа бейімделуге көмектесу», — деді Алматы ПД Жергілікті полиция қызметі басқармасының бастығы Серік Шумаев. Ол қазірше жол ережесін бұзбаса, тіркелмеген көлік иесіне тек ескерту жасалады, ережені елемейтіндер ғана жазаланады деді. Бұған дейін Kolesa.kz редакциясы мопедші сақтауға тиіс жол ережелері туралы мақала жазған.
Биыл жыл басынан бері Алматыда мопед қатысқан 197 апат болып, екі адам қаза тапты және 203 азамат жарақат алды.
Комментариев: 0