2026 жылы 21 наурызға қараған түні даңғылда 219 км/сағ жылдамдықпен жүйіткіген Zeekr 9X жолдың қарсы бетіне шығып кетіп, Mercedes-Benz-ті соққан. Салдарынан үш адам қаза тапты. Сот жол апатына кінәлі жүргізушіні 10 жылға бас бостандығынан айырды (жазасын қауіпсіздігі төмен мекемеде өтейді). Ал билік апат болған жол бөлігіне машинаның қарсы бағытқа шығып кетуіне тосқауыл болатын қоршау орнатамыз деп шешті.
«Қазір жол қауіпсіздігін жақсарту, жол апатының санын азайту және автомобильдің қарсы бағытқа шығып кетуінің алдын алу мақсатында Әл-Фарабидің даңғылының Достықтан Назарбаевқа дейінгі бөлігіне металл қоршау орнатып жатырмыз», — деп хабарлады Алматы әкімдігі Kolesa.kz редакциясына.
Мұндай тосқауыл қарсы бағыттағы көлік легін физикалық тұрғыда бөліп, соғылу қаупін барынша азайтады. Әкімдік жұмысты биыл 10 шілдеге дейін аяқтауды жоспарлап отыр.
Комментариев: 0