Алмас тозаңымен боялған аса қымбат «Гелендваген»

Carlex Design ательесі аса сәнді Himalaya тюнинг-жобасының жаңа кезеңін көрсетті. Ол — алмас тозаңы және өте қымбат былғарымен әрленген Mercedes-AMG G63. Тюнерлер машинаны 1.5 млн еуроға бағалап отыр.

1 / 28

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 28

«Гелендваген» құрамында бір килограмм алмас тозаңы бар арнайы лак-бояу жабынымен әрленген. Тюнерлер бояудағы бриллиант бөлшектер жарық шашып, автомобильге ешкімде жоқ реңк сыйлайтынын айтты. Жол талғамайтын көлік өзгеше радиатор торы, жаңа бампер және арка кеңейткішті қамтитын фирмалық бодикитпен жабдықталады. Винтажды эффект беретін өзгеше дөңгелек дискісін де айта кеткен жөн.

Carlex Design машина салонын аса сапалы, люкс былғарымен қаптады. Интерьердің кей бөлігін қолтырауын терісімен әрлеген.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

G-кластың күштік құрылымы өзгерген. Himalaya сериясы аясында үш машина ғана шығып, әрқайсысы айрықша сипат алады. «Бұл — сән мен шеберліктің ерекше симфониясы. Оны елде жоқ бірегей өнерді бағалай алатындар ғана түсінеді», — деп жазды ателье.

Himalaya топтамасында жеті модель бар. Ателье біз сөз етіп отырған G-кластан бөлек Ferrari Purosangue, Lamborghini Urus, Aston Martin DBX, Rolls-Royce Cullinan, Bentley Bentayga және Range Rover-ді дәл осылай әрлеуді жоспарлап отыр. «Гелендваген» сияқты олардың да саны шекті болады.