Алғашқы гибрид Smart Қытайда қанша тұрады

Smart былтыр #5 индексті ең ірі моделін таныстырған еді, бірақ бастапқыда ол тек электромобиль ретінде шықты. Нарықтағы өзгерістер компанияны кроссовердің гибрид түрленімін жасауға мәжбүр етті. Қазір марка Қытайда Smart #5 EHD-ге тапсырыс қабылдап жатыр. Жаңа өнімнің бастапқы бағасы — 189 900 юань (14.6 млн теңге). Электрлі нұсқасының ең арзанын 239 900 юаньға (18.5 млн теңге) алуға болады.

1 / 7

• 
• 
• 
• 
• 
• 
• 

1 / 7

Күштік құрылымы ауысқанына қарамастан, Smart #5-тің сырт келбеті бұрынғыдай, тек хром қаптамалар көбейді, бірақ өлшемдері өзгермеді. Гибрид кроссовер 163 ат күшіне ие 1.5 литрлік турбомотормен және 272 ат күші бар электрлі қозғалтқышпен жабдықталады.

Марка машинаға CATL-дың 41.46 кВт⋅сағ литий-темір-фосфатты аккумуляторын орнатады. Жүріс қоры электр қуатымен 252 шақырымға жетеді. Толық қуатталған және багында бензин толы Smart #5 1615 км еңсереді. Электрокардың жүріс қоры — 740 км.

1 / 4

• 
• 
• 
• 

1 / 4

Гибрид үш дисплейі бар медиажүйе алды. Ол 10.3 дюймдік аспаптар панелі, екі 13 дюймдік сенсорлы экран және 25.6 дюймдік проекциядан тұрады. Pilot Assist жүргізуші ассистенттер кешеніне лидар және 29 сезгек кіреді. Ақпаратты өңдеуге екі қуатты Nvidia Drive OrinX чипі көмектеседі.

Бренд гибридті қазанда жеткізе бастайды. Кейін Smart топтамасына ең ықшам модель — екі есікті хэтчбек қосылады. Ол әйгілі Smart ForTwo-дің ресми ізбасары.