Алғашқы AMG G-Class қандай еді

Көпшілік 1990 жылдардың басында неміс брендінің топтамасында болған 500 GE 6.0 AMG-ді ателье шеберлері алғаш рет жасаған G-Class деп есептейді. Тек сериялық машинаны алсақ, бұл рас. Себебі ателье жеке тапсырыстар қабылдаған және солардың бірі 3 есікті 300GD кабриолеті. Автомобиль шынымен бірегей болып шықты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

S-Class-тың (W116) келбетін алған бұл гелик туралы біраз қауесет бар. Алғашқы иесі — танымал теннисші Иван Лендл, оған бір шейх жарыстағы жеңісі үшін машинаны сыйға тартқан дейді. The Patina Collective дерегінше Лендлдің өзі бұл оқиға әлдеқайда қызық деді.

1 / 4

• 
• 
• 
• 

1 / 4

G-Class пен S-Class гибридін жасау идеясы 1980 жылдары теннисшінің Штутгартқа сапары кезінде туған. Сол кезде Mercedes-Benz басшылары оны зауытқа шақырады. Лендлдің көзі түпнұсқа «геликке» түседі. Ол жол талғамайтын көліктің алдыңғы бөлігін W116-дағы тікбұрышты фары бар панельге ауыстыруға бола ма деп сұрапты.

Топ-менеджерлердің бірі жай ғана басын изеген, сөйтіп жаңа 300GD Аффальтербахқа аттанады. AMG мамандары геликтің сырт келбетін Лендл сұрағандай өзгертіп қана қоймай, оны көп шабақты дискілермен жабдықтап, салонын жаңартты және Recaro орындықтарын орнатты. Бүйірі мен артында графика пайда болды.

Автомобильдің күштік құрылымы өзгермей, 88 ат күшін (172 Нм) беретін 3 литрлік дизель қалған.

Жақында бұл ерекше G-Class реставрациядан өтті, қазір Лос-Анджелестегі әйгілі Петерсен музейінде классикалық Mercedes-Benz көліктерінің ауқымды топтамасының бір бөлігі ретінде тұр.