volvo-main

Алдыңғы әйнектегі экран

Volvo ұсынған жаңа технология жүргізушіге жолды мүлде басқаша бағамдауға мүмкіндік береді.

Швециялық автоөндірушінің баспасөз қызметі оптикалық технология әзірлейтін Spectralics компаниясына (Израиль) инвестиция салғанын хабарлады. Енді Volvo және оның қытайлық Geely концерні тәжірибелік MLTC экранына қол жеткізді. Бұл — қабықшаның қалыңдығындай өте жұқа әрі иілгіш, көп қабатты мөлдір экран.

Мұнда сурет экранға кескінделмей, тікелей көрінеді. MLTC көліктің алдыңғы әйнегі мен бүйірлік терезесін толық қамтиды. Жаңа өнім сериялы көліктерге енгізілсе, болашағы зор болатыны анық, тіпті үйде теледидар мониторын әдеттегі терезеге жабыстыратын күн де алыс емес сияқты.

MLTC машинада жол жағдайы мен келе жатқан объектілер туралы ақпарат беріп, жүргізушінің қауіпсіз бағытты таңдауына көмектеседі. Ал жолаушылар мультимедианы пайдалану үшін смартфон экранына емес, терезеге қарайды.

Комментариев: 0

Чтобы оставить комментарий, вам необходимо зарегистрироваться или авторизоваться.