2027 жылы айыппұл, утиль алымы және сақтандыру қаншалықты қымбаттайды

Қаржы министрлігі «2027–2029 жылдарға арналған республикалық бюджет туралы» заң жобасын әзірледі. 2027 жылғы 1 қаңтардан бастап айлық есептік көрсеткіш (АЕК) 4693 теңге болады. Бұл қазіргіден (2026 жылы — 4325 теңге) 10 % жоғары. АЕК-пен бірге автомобилистер төлейтін төлемдер өседі.

Жол ережесін бұзғандар үшін айыппұл өседі

Жылдамдықты 10–20 км/сағ асырған, қауіпсіздік белдігін тақпаған, шлемсіз жүрген немесе тоқтау және аялдау ережесін бұзған жүргізуші төлейтін 5 АЕК айыппұл мөлшері 2027 жылғы 1 қаңтардан бастап 23 465 теңге болады. Қазір — 21 625 теңге.

Бағдаршамның қызыл түсіне өткен, жылдамдықты 20–40 км/сағ асырған, көлікті мүмкіндігі шектеулі жандарға арналған орынға қойған немесе жаяу жүргінші өткелінде жолаушыға жол бермегендер 10 АЕК айыппұл төлейді, оның мөлшері 43 250-ден 46 930 теңгеге көтеріледі.

Жүргізуші куәлігінен айырылған адам рөлге отырса немесе жол-көлік оқиғасы болған жерден кетіп қалса, айыппұл 216 250 теңгеден 234 650 теңгеге дейін артады.

Утиль алымы қымбаттайды

Бірінші қаңтардан бастап утиль алымының базалық мөлшерлемесі (50 АЕК) 216 250 теңгеден 234 650 теңгеге дейін өседі. Қозғалтқыш көлемі 1000 текше см-ден аспайтын жеңіл көлікті елге кіргізу үшін 351 975 теңге санап беруге тура келеді.

Мотор көлемі 1001–2000 текше см-ге дейінгі машина үшін қазынаға — 821 275 теңге, 2001–3000 текшесм-ге дейінгі көлік үшін — 1 173 250 теңге, 3 литрден жоғары техника үшін 2 698 475 теңге аударасыз. Елге электромобиль әкелгендер бұл алым түрін төлемейді.

Автомобильді есепке қою құны артады

Автомобильді алғаш тіркегенде сұралатын ең төменгі сома (0.25 АЕК) 1081.25 теңгеден 1173.25 теңгеге жоғарылайды. Шыққанына 3 жылдан аспаған машина алған тұлға төлейтін сома (50 АЕК) 216 250-ден 234 650 теңгеге артады. 3 жыл бұрын және одан ерте шыққан машинаны алғаш есепке қою үшін (500 АЕК) енді 2 162 500 емес, 2 346 500 теңге жұмсайсыз. Яғни алым мөлшері 200 000 теңге өсті.

Сақтандыру полисінің сомасы өзгереді

Келер жылы АЕК-тің өсуі сақтандыру құнына да әсер етеді. Базалық сақтандыру сыйақысы айлық есептік көрсеткішке байланысты — 1.9 АЕК (2026 жылы 8217.5 теңге). 1 қаңтардан бастап 8916.7 теңгеге жетеді. Сондықтан сақтандыру полисі қымбаттайды.

Бұл әзірге бюджет туралы құжаттың жобасы екенін ескерген жоқ. Бірақ бұған дейін депутаттар да, мемлекеттік органдар да ұсынылған АЕК мөлшерін бекітіп келген.