Былтыр қазанда билік сұйық отын құнын көтеруге тыйым салды. Биыл 1 сәуірде мораторий күшін жойған соң жанармай бекетінде баға қайта құбылады. Бірақ бұл тек АИ-92 мен дизельге қатысты, ал АИ-95-тің құны онсыз да шарықтап барады. Соңғы бес айдағы өзгеріс қандай?
Қазанның аяғында Алматыдағы ірі бекеттер АИ-95-тің литрі үшін 291–308 теңге сұраған. Ең арзан бензинді Helios станциялары ұсынса, ең қымбатын «Газпромнефть» сатты.
Наурыздың аяғына қарай қаладағы баға 318–323 теңгеге жетті. Яғни, оңтүстік астанада 13–28 теңге өскен.
Қазанда Астанада АИ-95-тің литрі 281–294 теңге тұрса, 31 наурызда 310–315 теңгеге көтерілді. Бұл бес ай бұрынғы көрсеткіштен 19–34 теңге қымбат.
Республикалық маңызы бар басқа қалалармен салыстырсақ, Шымкентте АИ-95 арзан. Қазір баға 303–305 теңге аралығында, ал қазанда 276–284 теңге еді.
Комментариев: 0