Jalopnik порталының назарына 1990 жылғы Mercedes 300 SL ілікті. Сатылып жатқан машинаның 5000 доллар тұрады, бұл оның бастапқы бағасының 1/14-ін ғана құрайды. Белгілі бір жастан асқанда люкс көліктердің құнын жылдам жоғалтатыны белгілі, себебі оның бөлшектерін табу қиындай түсіп, күтіп-баптау қарапайым жүргізушінің қалтасына үлкен салмақ түсіреді. Алайда мына модельдің иесі көлік отыра салып, жүріп кететін жағдайда екенін жазыпты.
300 SL үздік спорттық «мерседестердің» бірі, сонымен қатар 90 жалдардағы ең әдемі машиналар қатарында. R129 шанағындағы екі есікті кең көлік төбесі жұмсақ және қатты нұсқада ұсынылған SL топтамасындағы соңғы модель. 300 индексі капот астына 228 ат күшіне ие қатарлы алтылық орнатылғанын білдіреді. Қызығы, SL (Superleicht — аса жеңіл) титулының салмағы 2 тоннаға жуық машинаға берілгені ешкімді толғандырмады.
Сатушы 300 SL алдыңғы иесінің гаражында 15 жыл тұрғанын хабарлады. Алайда ол «карбюраторға аздап бензин құйғанда» (хабарландыруда солай жазылған) машина бірден оталыпты. Сырттай кабриолет жақсы көрінеді. Бірақ салонын жақсылап жуу керек сияқты. Одан бөлек майлары мен техникалық сұйықтықтарын жаңарту қажет.
Jalopnik редакциясын көліктің бағасы таңғалдырды, себебі америкалық айлықпен автокөлікке 5000 доллар жұмсау, біздің азаматтың жарты миллионға машина алуымен бірдей. Оның үстіне жақсы сақталған 300 SL-ді ешкім ондай ақшаға бермейді. Мысалы, Kolesa.kz-те сатылып жатқан 1993 жылғы SL 300 үшін иесі 5 млн (11 700 доллар) сұрайды.
Комментариев: 0