Қуатты рестомодқа айналған классикалық Range Rover

Классикалық Land Rover Defender мен Volkswagen Beetle модельдерінен багги жасап танылған Ұлыбританиядағы Twisted Automotive компаниясы жаңа өнімін көрсетті. Ол — 1969-1996 жылдары шыққан Range Rover-дің бірінші буынына негізделген рестомод.

1 / 5

• 
• 
• 
• 
• 

1 / 5

TRRC деп аталған жобада мамандар үш есікті Range Rover-дің шанағын толық қалпына келтіреді, кейін барлық шанақ панелін алюминийден қайта жасайды. Ол заманауи жарық техникасы, жаңа радиатор торы, басқаша дөңгелек және бампер алады.

Рестомодтың интерьерінде қалың дыбыс оқшаулағыш материал, жұмсақ кілем бар, ал панельдері қымбат былғарымен қапталған. Орындықтары жылытқышпен жабдықталған, алдыңғы панельге ықшам мультимедиа жүйесі жайғасты.

1 / 4

• 
• 
• 
• 

1 / 4

Twisted Automotive әзірлеген Range Rover 500 ат күшін беретін 6.2 литрлік V8-бен (LT1) жүреді. Агрегат 8 сатылы автоматпен және толық жетек жүйесімен жұмыс істейді. Жаңа қозғалтқыш үшін инженерлер аспаны жаңартып, тежеуіш жүйесін жақсартты.

Ателье жылына 12-ден артық көлік шығармайтынын хабарлады. Тюнерлер 2026 жылға арналған тиражды сатып жіберді, бірақ 2027 жылға тапсырыс қабылдап жатыр. Әр жол талғамайтын көліктің бағасы — 350 000 фунт стерлинг (224.7 млн теңге).