50 жыл бір адамның қолында болған Mercedes-Benz 190 SL сатылады

1955 жылы сериялы өндіріске шыққан SL топтамасының кіші моделі 300 SL-дің қарапайым баламасы ретінде жарық көрді. 300 SL өзінің жоғары қарай ашылатын есіктерінің арқасында Gullwing деген атаумен есте қалды. Компания Mercedes-Benz 190 SL-ді сол стильде жасап, тек родстер ретінде ұсынды.

1 / 22

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 22

Техникалық жағынан айырмашылықтары көп. Машина 300 SL-дегідей қымбат және арнайы жасалған түтік тәрізді раманың орнына қарапайым седан құрылымын алды. Дегенмен екі модель де екі иінтіректі алдыңғы аспа және артқы теңселіп тұратын жарты осьпен жабдықталды.

190 SL-ге қосарлы Solex немесе Weber карбюраторы бар 1.9 литрлік төрт цилиндрлі мотор (120 а.к.) орнатылды. Ал 300 SL капотының астында механикалық Bosch отын бүрку жүйесімен жабдықталған 240 ат күшін беретін 3.0 литрлік алты цилиндрлі мотор тұрды.

Жүргізуге ыңғайлы, салоны кең 190 SL кино және эстрада жұлдыздарының сүйікті көлігіне айналды. Оның иелері арасында Джина Лоллобриджида, Роми Шнайдер, Грейс Келли, Фрэнк Синатра, Альфред Хичкок және басқа атақты тұлғалар болды.

Mercedes-Benz 190 SL бастапқыда қалай арзан болса, қазір де сондай. Үлкен моделі аукциондарда алты немесе тіпті жеті саннан тұратын сомаға саудаланса, винтажды 190 SL-ді автомобильге әуес жандардың көбі сатып ала алады.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Сирек кездесетін экземплярдың жағдайы мінсіз болмаса, арзан көліктердің деңгейіне дейін түседі. Bring a Trailer аукционында сатылып жатқан 1956 жылғы нұсқа соған мысал. Мақала жарияланған сәтте бағасы небәрі 22 000 долларға жеткен. Машинаның тозған жерлері көп, бірақ жүріп тұр, түпнұсқа комплектацияда сақталған және бұрынғы сәнін жоғалтпаған.

Бұл SL бір адамның меншігінде болыпты. Иесі оны 1974 жылы сатып алған, бірақ онымен қанша шақырым жүргені белгісіз. Себебі бес таңбалы одометрі небәрі 25 мың мильді көрсетіп тұр.