425 000 доллар тұратын Audi A5

АҚШ-та аса жылдам қозғалатын бірегей Audi A5 саудаға шықты. Mazda Soul Red түсіне боялған машинаны Миссури штатындағы Tynan Race Cars шеберханасы Street Outlaws No Prep Kings (NPK) сериясына қатысу үшін құрастырыпты. Фирма модельді алғаш рет 2022 жылы SEMA шоуында көрсетті.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Донор болған 2009 жылғы түпнұсқа A5-тен ештеңе қалмаған сияқты, шанағының алдыңғы қаптамасы кейін жарық көрген RS5 стилінде әрленсе, артқы бөлігінде тежеуіш парашюттер байқалады.

1 / 5

• 
• 
• 
• 
• 

1 / 5

Шанақ панельдерінің астына түтік тәрізді каркас жасырынған, оның ішінде ProCharger F4-140 компрессоры мен азоттың шала тотығын шашу жүйесіне ие 8.8 литрлік V8 тұр. Мотор титан қоңырау мен карбон кардан алған 3 сатылы GM TH400 автоматымен жұмыс істейді. Күштік құрылымның жалпы қуаты туралы ақпарат жоқ, тек 201 метрді (⅛ миль) небәрі 3.78 секундта жүріп өтетіні белгілі, ең жоғары жылдамдығы — 320 км/сағ.

1 / 4

• 
• 
• 
• 

1 / 4

Интерьері басқа жарыс көліктерінікі сияқты қарапайым. Шеберлер қауіпсіздік каркасының ішіне 5 нүктелі белдігі бар жүргізуші орындығын, телеметрия жүйесін, шағын цифрлық аспаптар панелін және өрт сөндіру жүйесін орнатқан.

Айрықша болидтің бағасы — 425 000 доллар (шамамен 205 млн теңге).