33 мың жаңа Lada Granta сервистік кампанияға қатысады

АВТОВАЗ Ресейде 33 450 Lada Granta-ны сервиске шақырды. Бұл ақпарат Росстандарттың сайтында жарияланды. Алайда автомобильдің қай бөлшегінен қандай ақау шыққаны белгісіз.

Кәсіпорын да, реттеуші орган да автоөндіруші көлік сипаттамасын жүйелі жақсарту барысында қосымша тексеріс жүргізіп жатыр деп мәлімдеді.

Росстандарт сайтында «Кампания аясында сервистік орталықтар бекіткіш элементтің босап кетуіне жол бермеу үшін автомобильдегі функциялық тораптардың бірін тексереді. Қажет болса, оны ауыстырады», — деп жазылған. Яғни, марка Lada Granta-ның қай бөлшегі түсіп қалуы мүмкін екенін жасырып қалды.

Зауыт 2025 жылғы 6 маусым мен 12 желтоқсан аралығында шыққан барлық машинаны сервиске шақырады. Демек, бұл шараға су жаңа модельдер де қатысады.