23 наурызда «Соколда» Track Day өтеді

Жексенбі күні Алматы — Астана тас жолының 76-шақырымында орналасқан Sokol кешені жылы маусымның басталуына орай алғашқы трек күнін ұйымдастырады. Бұл шара кешеннің негізгі 4.5 км айналма жолында өтеді.

Әр 15 минуттық сессияға 10 көлік қана кіре алады. Іс-шара 5 сағатқа созылады. Қанша жарыс болатыны пилот санына байланысты.

Қатысу үшін автомотоспорт федерациясының сертификаты қажет емес, бірақ көлік техникалық талаптарға сай болуы керек. Техникалық сұйықтық ағып тұрмауы, жақсы күйдегі тежеуіш дискілері мен қалыбы және өрт сөндіргіш болуы маңызды. Ұйымдастырушылар көліктерді Time Attack жарысының класына сәйкес шығарады. Толық тізімі мен техникалық талаптарын тіркелу бетінен табасыз.

Қатысу ақылы:

• бір жүргізуші мен бокстағы орынға — 50 000 теңге;
• бокссыз бір жүргізушіге — 30 000 теңге.

Көрермендер тегін кіреді.

Техникалық комиссия 11:00-де, ал жүргізушілерді трекке кіргізу 12:00-де басталады.