2024 жылғы ең танымал автомобиль түсі анықталды

Кейінгі жылдары жұрттың талғамы едәуір өзгергенімен, әлемдегі автомобиль шанағының ең танымал түсі әлі ақ реңк саналады. BASF сарапшылары осындай қорытындыға келді. Олар көп жүргізуші ашық түстерге қызығады деп санайды.

Ең танымал үш реңк өзгерген жоқ: ақ, қара және сұр. Әлем нарығындағы автомобильдердің 34 %-ы ақ түсті, бірақ мұндай машинаға қызығатындар 2 % азайғанын анықталды. Рейтингтің төртінші сатысында күміс түсті көліктер тұр, алайда олардың үлесі 1 % кеміп, 8 % болды. Ал қара машина саны 22 % өсті.

Хроматикалық реңктерге сұраныс артқанмен, үлесі аса көп емес. Олардың арасында ең танымалы — көк түс (7 %). Автомобилистер қызыл және жасыл машиналарды да жиі ала бастапты. Сары шанақты көлікті жөн көретіндер екі есе өсіп, нарықтағы үлесі 1.5 %-ға жеткен. Сонымен қатар сарғыш, қоңыр, қызғылт және күлгін түстерді ұнататындар аз емес.

Автомобиль түсіне сұраныс құрылымы басты макроөңірлерде негізінен бірдей. Мысалы, Еуропада былтыр ақ машина таңдағандар 27 % болса, Азия-Тынық мұхиты аймағында 38 %-ға жетті.