190E Evo II стиліндегі Mercedes-AMG C 63 S

Vuk Manufactur неміс ательесі гибрид Mercedes-AMG C 63 S-ке V8 орнатқан жобасын көрсеткен, бірақ трансформация мұнымен аяқталмады. Енді шеберлер EVOlution X деп аталатын дайын пакет әзірледі.

Атауы айтып тұрғандай, C-Class атақты Mercedes-Benz 190E Evo II-нің құрметіне жасалған. Седанның алдыңғы және артқы қанатындағы кеңейткіші, жүксалғыш қақпағындағы спойлері танымал көліктегідей. Дискілері дәлме-дәл көшірме емес, бірақ ұқсас. Алғашқы прототиптің түс палитрасы Mercedes-AMG Petronas F1 командасының фирмалық түсін еске салады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Vuk Manufactur 206-мотордың қуаты туралы ақпарат бермеді, бірақ 680 ат күшіне ие AMG C 63 S-тен кем болмайтыны анық. Тюнерлер капот астында қандай V8 тұрғанын ашып айтпады. Ол Mercedes-Benz-тің соңғы шыққан модельдеріне орнатылған екі турбокомпрессоры бар 4 литрлік агрегат сияқты.

Vuk Manufactur ұсынатын Mercedes-AMG C 63 S-тің жалпы тиражы 63-тен аспайды. Ателье машинаның бағасын да, кастомизация мүмкіндіктерін де жарияламады.