175 млн теңге тұратын Mercedes-Benz 500E (W124)

Gooding аукцион үйі әйгілі Mercedes‑Benz 500E (W124) седанын саудаға шығарды. 1992 жылғы төрт есікті көлікке бұрын стендап-комик Джерри Сайнфелд иелік еткен. Аукционшылар машина 180–240 мың долларға өтеді деп күтті, бірақ соңғы баға 357 мың долларға (175 млн теңге) жетті.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

500E алғашқы иесі танымал болғандықтан және жаңа күйде сақталғандықтан қымбат. 34 жылда автомобиль небәрі 2335 миль жүрген.

Седан капот астындағы моторымен ерекшеленеді. Ол — M119 индексті 5 литрлік V8. Бренд оны бастапқыда екі есікті Mercedes‑Benz SL моделіне орнатқан. Қозғалтқыш 326 ат күшін және 480 Нм момент береді. Агрегат 4 сатылы автоматпен жұптаса жұмыс істейді. 500E артқы жетекті. Алғашқы жүздікті 6.1 секундта еңсереді, максимал жылдамдығы — 250 км/сағ.

1 / 7

• 
• 
• 
• 
• 
• 
• 

1 / 7

Марка 2.7 миллионнан астам қуаты төмен W124 жасаса, 500E мен жаңарған E500-дің 10.5 мың данасы ғана жарық көрді. Сондықтан бұл модельді сирек кездесетін автомобиль деуге болады. Зауыт әр көлікті толық құрастыруға 18 күн жұмсаған, себебі өндіріс процесіне Porsche шеберлері де қатысты. Мамандар шанағын Штутгарт пен Зиндельфингендегі зауыттар арасында тасымалдап отырған.