14 маусымда Алматы маңында тайм-аттак өтеді

14 маусымда Алматы — Астана тас жолының 76-шақырымында орналасқан танымал трассада Sokol Time Attack сайысының үшінші кезеңі болады. Спортшылар бірнеше топқа бөлінеді: SC2000 категориясына онша өзгермеген автомобильдер кірсе, GT PRO санатына түрленген машиналар, тіпті тайм-аттак үшін арнайы жасалған болидтер қосылады.

Жеке регламентке сәйкес шара 9:30-да басталып, 17:00-ге дейін жалғасады. Кіру ақысы — 5000 теңге.

Қазір автодром орналасқан жердегі трассада жөндеу жұмыстары жүріп жатыр және көлік қозғалысы шектелген. Дегенмен спорт кешенінің қонақтарына жол ашық.

Sokol-дың үлкен айналма жолындағы трек күні

13 маусымға ашық трек күні жсопарланған. Қатысушылар 11:00 мен 17:00 аралығында 15 минуттық бірнеше сессияда өнер көрсетеді. Қанша сайыс өтетіні пилот санына байланысты.

Жарыста бақ сынау үшін ФАМС сертификаты керек, бірақ машина мына техникалық талаптарға сай болуға тиіс: техникалық сұйықтық ақпауы, тежеуіш дискілері мен қалыптары жақсы жағдайда болуы, көлемі бір литрден кем емес өртсөндіргіш орнатылуы.

Машиналар Time Attack үшін белгіленген класына сай жолға шығады. Талаптардың толық тізімін ұйымдастырушының сайтынан қараңыз.

Трек күніне қатысу үшін бір пилот 35 000 теңге төлейді. Көрермендер Sokol Time Attack-тың үшінші кезеңін тамашалау үшін алған билетімен кіре алады. Ол екі күнге де жарайды.