12 қаңтарда Қонаевта қысқы дрифт аптасы басталады

Бүгін пилоттар ASP Club алаңында Winter Asia Drift Show сайысы қарсаңында жаттыға бастайды. Жаңа маусым 2025 жылғы желтоқсанда болуы керек еді, алайда шуақты ауа райы жоспарды өзгертуге мәжбүр етті. Енді алғашқы екі кезең 12-17 қаңтарда өтеді.

Сайысқа бес елден келген 61 спортшы қатысады. WADS-та бұл жолы әйгілі дрифтшілер Тецуя Хибино мен Масато Кавабата өнер көрсетеді, Кавабата ВАЗ-2102 универсалын жүргізеді.

View this post on Instagram

A post shared by Winter Asia Drift Show (@wads.kz)

Жарысқа Қазақстаннан шыққан дрифтші, комментатор әрі төреші Мақсат Қайымовпен қатар Takayama Forward Auto командасының өкілі Пётр Мартынов және CADS 2025 чемпионы, WADS-тың бірінші кезеңінің қола жүлдегері Эммануэль Амандио төрелік етеді.

Дүйсенбі және сейсенбі күндері бірнеше сессиядан тұратын жарыс болады. 12 қаңтарда машиналар 17:00-ден 22:00-ге дейін, оның ертесінде 9:00-ден 12:00-ге дейін, 15:00-ден 22:00-ге дейін жасанды мұз үстінде шыр айналады.

Сәрсенбі мен бейсенбіде бірінші және екінші кезеңде кім кіммен жұптасып өнер көрсететіні анықталады.

Алғашқы дуэль 16 қаңтар, 12:00-ге жоспарланды. WADS 2026 пилоттары сап түзеп жүріп өтіп, бір сағаттан соң шара топ-32 кезеңіне ұласады. Жарыс 20:00-де аяқталуға тиіс.

Ұйымдастырушылар сенбіге де осыған ұқсас кесте құрыпты. Бірақ соңғы кезең мәресіне жеткен соң, яғни 21:00-де жеңімпаздар марапатталады. 23:00-де WADS-қа қатысқандар мен қонақтарды Qamysh мейрамханасында Afterparty күтеді.

View this post on Instagram

A post shared by Winter Asia Drift Show (@wads.kz)

Билеттің ең арзаны 5000 теңге тұрады. Бір билет жаттығу сессияларын және алғашқы екі күнгі шараларды тамашалауға мүмкіндік береді. WADS-тың бүкіл кезеңін қамтитын пакеттер де бар. Билетті ресми сайттан аласыз.