Найдено на Kolesa.kz: 11-летний гелик за 120 млн тенге

11 жастағы гелик 120 миллион теңгеге сатылады

Ол тіпті G63 немесе G65 де емес.

Kolesa.kz-те Mercedes-Benz G-Class-тың біздің елде аса танымал емес нұсқасы сатуға қойылды. Ол — 3 литрлік дизельді моторы (184 ат күші мен 400 Нм) бар G300 Professional.

Атауынан көрініп тұрғандай, бұл гелик негізінен коммерциялық мақсатта пайдалануға арналған. Машинаның тым қарапайым сыртқы пішіні ғана емес, әдеттегі G-Class-тың сәнді салонымен салыстыруға келмейтін қарабайыр интерьері де осыны аңғартады. Дегенмен жылытуға болатын Recaro креслосы, ORC ательесі ұсынған Dometic тоңазытқышы, жүксалғыштағы қобдиша, су құюға арналған 80 литрлік бак секілді пайдалы заттары бар.

G300-дің сыртқы пішіні де біршама өзгертілген. Төбедегі шатыр, тент-маркиза, BFGoodrich шинасымен қапталған Hutchinson дөңгелек дискісі және екі қосалқы дөңгелек орнатылған артқы жақтағы есікше бірден көзге түседі.

Иесі 2011 жылғы G300 Professional көлігін 120 миллион теңгеге сатқысы келеді. Салыстыру үшін айтсақ, бұл ақшаға шыққанына екі жыл ғана болған Mercedes-AMG G63-ді алуға болады.

Комментариев: 0

Чтобы оставить комментарий, вам необходимо зарегистрироваться или авторизоваться.