Алты жүз мыңыншы Mercedes-Benz G-Class шықты

Mercedes-Benz баспасөз қызметі Аустрияның Грац қаласындағы зауыт 600 мыңыншы G-Class-ты құрастырғанын хабарлады. Ол — Obsidian Black Metallic түсті электрлі G580 EQ Technology.

Выпущен 600-тысячный G-Class. С чего началась история модели

Аңызға айналған G-Class-тың саудасы бәсеңдеген емес. Жалпы тиражы үш жылда 40 мыңнан 500 мыңға жетсе, келесі 100 мың данасына небәрі екі жыл кеткен. MB Manufaktur-дың эксклюзив опцияларына тапсырыс берушілердің саны G-Class-қа қызығатын адам әлі көп екенін көрсетеді.

Бұл көліктің артықшылықтары айқын, жалғыз кемшілігі — жоғары бағасы. Бірақ өз сегментінде эталон жасағысы келген немістер сол кезде тынымсыз еңбектенді, одан кейін де тыныш жатпай, дамуын тоқтатпады. Сәті түсіп тұрғандықтан модельдің өмірбаянына тоқтала кетейік.

Gelandewagen неміс тілінде «жол талғамайтын көлік» дегенді білдіреді. «Мерседес» мұндай машинаны бір ғасыр бұрын жасаған. 1920 жылдардың ортасынан бастап Daimler-Benz инженерлері бірнеше әскери автомобиль жасады. Олардың ішіндегі ең танымалдары үш осьті G4 (6×4) және толық жетекті, толық басқарылатын шассиі бар G5 еді. Сондықтан қазіргі G-Class-ты соғыс жылдарындағы техниканың жалғасы деуге болады.

1 / 10

Mercedes-Benz G4

1 / 10

«Гелендвагеннің» ресми тарихы 1969 жылдан бастау алады, сол жылы Daimler-Benz пен Steyr-Daimler-Puch бірлесіп жол талғамайтын көлік жасау туралы ойлайды. Германияда ол кезде Unimog бар еді, ал Аустрия жолдарында Haflinger мен Pinzgauer жүрді.

Болашақ G-Class-тың алғашқы прототипі 1973 жылы жасалды, бірақ кейіннен әйгілі Бруно Сакко дизайнын өзгертті.

1 / 3

Алты жүз мыңыншы Mercedes-Benz G-Class шықты

Болашақ G-Class-тың алғашқы макеті

1 / 3

Модельдің қалыптасуына 1970 жылы шыққан Range Rover-дің табысы әсер етті. Немістер алғаш рет жол талғамайтын көлік тек әскер не ауылға ғана емес, қалаға да жарайтынын түсінді. Рамалы G-Class серіппелі бүтін белдікпен жабдықталды, алды мен арты қысқарғандықтан кіру және шығу бұрышы оңтайлы болды.

Гелик жүзе алмағандықтан Германия қарулы күштері G-klasse моделінен бас тартты. 1976 жылы Батыс Германия армиясы жаңа көлік суда жүзу керек деген талап қойды. Сондықтан Iltis атауымен танымал VW 183-ке таңдау түсті. Ірі әрі ауыр G-Class бірден батып кететін.

1979 жылы Грац қаласындағы Puch зауыты G-Class-ты (W460) сериялы өндіріске шығарды. Оның қозғалтқыштары (бензинді 230 G, 230 GE және дизельді 240 GD, 300 GD) 72–156 ат күшін беретін. Дөңгелек базасы (2400 және 2850 мм) екі түрлі еді. Шатыры металл немесе тентпен жабылатын. Машинада басты жетек артқы дөңгелекті айналдырады, ал алдыңғысы қосылып отырады. Кондиционер, автомат қорап, түрлі түсті шанақ бояуы сияқты опциялар тек 1981 жылдан бастап қосылды. Электр көмегімен реттелетін терезелер 1987 жылы пайда болды.

Нарыққа байланысты көлік екі түрлі атаумен саудаланды. Аустрия, Ұлыбритания, Швейцария, Лихтенштейн, Югославия мен кейбір Африка елдеріне Puch G ретінде танылса, қалған елде Mercedes-Benz G-Class деп аталды. Бұл үрдіс 2000 жылы тоқтады. Сол уақытқа дейін шыққан барлық «геликтің» шамамен 10 %-ы Puch эмблемасымен, 90 %-ы Mercedes жұлдызымен жарық көрген.

1987 жылы AMG шеберханасы G-Class-қа V8 орнату идеясын ұсынды. 280 GE 5.0 және 280 GE 5.6 Sport нұсқалары 245 және 290 ат күшін беретін. Мамандар салонын ағашпен және былғарымен қаптап, төбесіне люк, алдыңғы панеліне Becker аудиожүйесін орнатты. Осылайша гелик премиум сегментке қарай сәтті қадам жасады және сол бағыттан әлі күнге тайған жоқ.

2018 жылы жаңа буынның дебютіне орай Mercedes-Benz ерекше арт-объектіге тапсырыс берді. Бренд бес есікті 280 GE көлігін синтетикалық шайырға толы әйнек текше ішіне қойды. Процесс 40 күнге созылған. Соңында 39 жастағы көлік қымбат інжудей мөлдір кубтың ішінде мәңгілікке қатып қалды.

Бұл арқылы компания G-Class-тың уақытқа бағынбайтын құнды дүние екенін көрсеткісі келді. 44 тонналық ескерткіш қазір туған жері Грацта тұр, бұған дейін Еуропа мен Америкадағы автокөрмелерді аралап үлгерген.

Комментариев: 0