Ең алдымен, кедендік тексерістен толық өткен АҚШ-тан келген 2012 жылғы Toyota Camry-ді Арменияда 10 мыңға алуға болатынынан бастайық.
Өз кезегінде, 2015 жылғы америкалық Toyota Camry үшін Арменияда 14 мыңнан сәл ғана асатын көк қағазды санап бересіз. Салыстыру мақсатында айта кетейік, соған ұқсас көлік үшін Қазақстанда 7.5 миллион теңге, яғни 20 мыңнан аса доллар сұрайды.
Кедендік тексерістен былтыр өткен «камрилерді» Ереван мен оның айналасынан 15.5-17 мың «бакулық» ақшаға табуға болады, ал біздің елде олар 9-10 миллион теңгеге (шамамен 25 мың доллар) бағаланады.
Және соңғысы, 2.5 литрлік моторға ие 2018 жылғы Camry үшін Арменияда 28 500 доллар сұраса, оның Қазақстандағы орташа құны — 12 миилион теңге, не 32.2 мың долларды құрайды. Айырмашылығын өзіңіз бағамдай беріңіз!
Қазақстандықтар Camry-ден кем көрмейтін 2010-2013 жылдары шығарылған Toyota Land Cruiser Prado-ны Арменияда 21.8-32 мың доллар сомасына ұсынады. Қазақстанда олар қымбатырақ — 10 миллион теңгеден не 25 мың доллардан басталады.
Есесіне, 3 мыңнан 10 мыңға дейінгі көк қағаз сомасына Ереванда өз қажетіңізге қарай, рөлі оң жақтағы ескілеу көлікті таңдап алу оңай, біздің отандастардың көбі осылай жасап жүр де. Көліктің бағасы маркасына, үлгісіне және жағдайына байланысты екені айтпаса да түсінікті.
Арменияда рөлі оң жақтағы көліктерді елге жеткізіп, есепке қоюға тыйым салынғанына көп бола қойған жоқ. Бірақ ЕЭО құрамына кірмес бұрын елге жаңа әрі тартымды үлгілерді көптеп кіргізіп үлгеріпті.
Осылайша, ұсталған көліктердің Арменияда баға жағынан салыстырмалы түрде қолжетімдірек екеніне көз жеткізіп отырмыз, және автокөлік жүргізушілерін қызықтыратын жалғыз нәрсе осы шығар, сірә. (Мысалы, елге ЕЭО құрамына кірмей тұрып әкелінген 2013 жылғы Camry, шамамен 10-12 мың доллар тұрады. Біздің теңгемен қайта есептегенде — 18.) Ал 2018 жылы шығарылған жаңа автокөліктердің жайы қалай екен? — деген сұрақ туындаған шығар. Олардың құны да Қазақстанмен салыстырғанда төмендеу еді ғой. Мұндай көліктерді сатып алу шынымен де тиімді, алайда ол тиімділік тек армяндық нөмірмен жүргенде ғана сезіледі. (Бұл Арменияда алынған ескілеу көліктерге де қатысты). Утилизациялық алым мен бастапқы есепке қою үшін талап етілетін салықты төлеп, қысқаша айтқанда, барлық ережелерге сай рәсімдегенде біз шамамен сол өзіміздегі нарық бағасымен бірдей қаражат жұмсаймыз.
Армениядан келген көлікті қалай рәсімдеу керек және оны сатып алудың жалпы мәні бар ма деген мәселе жайлы Kolesa.kz бұрында баяндаған болатын. Ең басты түйін — армяндық темір тұлпарды Қазақстанда есепке қою бірқатар мәселе туындатады. Ол үшін көлік Арменияда 2014 жылға дейін тіркелуі тиіс. Әйтпегенде — оны елге тек уақытша кіргізуге рұқсат етіледі немесе кедендік төлемдегі айырмашылық қалтаңызды қағады. Сөз орайы келгенде айта кетсек, жуырда Қырғызстан мен Арменияға 2014 жылдан кейін кіргізілген автокөліктерді Қазақстанда рәсімдеу жайын Мемлекеттік кірістер комитеті нақтылап берген болатын. Мәселенің басын ашар болсақ:
Арменияда осыдан бес жыл бұрын, яғни 2014 жылға дейін кедендік тексерістен өткен көліктерге қатысты жағдай да онша емес. Қазіргі таңда Қазақстанда көліктерге байланысты еуро-4 стандартына сәйкестік, күндізгі жарық шамдарының болуы сынды бірқатар шектеулер қойылған. Аталған талаптарға сәйкес келмейтін, оған қоса рөлі оң жақтағы көліктермен біздің елде тек армяндық нөмірмен ғана жүруге тура келеді, иелік етудің осы түрінің барлық артықшылықтары мен кемшіліктерін қоса алғанда, әрине.
Сондықтан, армяндық, әсіресе 5-6 жастағы ұсталған көлікті сатып алудың мәні бар ма, жоқ па, ол жағын шешу өз еркіңізде. Дегенмен, біз өз тарапмыздан Ереванға билет алмас бұрын барлығын ой таразысына салып, жақсылап ойланып алуға кеңес береміз. Сапарыңызға сәттілік тілейміз!
Комментариев: 0