1. ЖАЛПЫ ЕРЕЖЕЛЕР
1.1. «Kolesa Group 30 жылдығы» атты ынталандыру іс-шарасы (Науқан) (бұдан әрі – Іс-шара (Науқан) немесе Науқан) брендтің танымалдылығын арттыру және Kolesa.kz және Krisha.kz интернет-ресурсын ілгерілету мақсатында өткізіледі.
1.2. Іс-шара (Науқан) Қазақстан Республикасының бүкіл аумағында өткізіледі.
1.3. Іс-шара (Науқан) Қазақстан Республикасының «Ойын бизнесі туралы» Заңының талаптарына сәйкес ынталандырушы лотерея, бәс тігу, тотализатор, құмар ойын немесе тәуекелге негізделген өзге де ойын болып табылмайды.
1.4. Іс-шараны (Науқандыы) Ұйымдастырушы маркетингтік сипаттағы ынталандырушы іс-шара үшін белгіленген қағидалар бойынша өткізеді. Осы Іс-шараға (Науқанға) қатысу туралы ұсыныс осы Қағидалардың талаптарын орындаған тұлғалардың шектеусіз тобына жолданды. Іс-шара (Науқан) туралы хабарландыру Интернет желісінде Kolesa.kz сайтында (бұдан әрі – «Сайт») орналастырылады, онда осы Іс-шара (Науқан) туралы ақпаратпен және осы Қағидалармен танысуға болады.
1.5. Іс-шараға (Науқанға) қатысуға ниет білдірген адамдар (бұдан әрі – «Қатысушылар») Іс-шараға (Науқанға) қатысуға байланысты барлық іс-әрекеттерді осы Қағидаларда белгіленген тәртіппен, шарттарда, орында және мерзімдерде орындауға міндетті. Іс-шараға (Науқанға) қатысу Қатысушылардың осы Қағидалармен толық келісімін білдіреді.
1.6. Іс-шараға (Науқанға) 18 жасқа толған және Қазақстан Республикасының аумағында тұратын әрекетке қабілетті жеке тұлғалар болып табылатын Kolesa.kz интернет-ресурсының тіркелген пайдаланушылары қатысуға құқылы.
1.7. Іс-шараға (Науқанға) келесі тұлғалар қатысуға жіберілмейді:
Ұйымдастырушының жұмыскерлері.
Іс-шараны (Науқанды) ұйымдастыру және өткізу шеңберінде Ұйымдастырушымен азаматтық-құқықтық және өзге де қатынастар туындаған үшінші тұлғалардың өкілдері.
осы Қағидалардың шарттарын орындамаған тұлғалар.
2. ІС-ШАРАНЫ ҰЙЫМДАСТЫРУШЫ ТУРАЛЫ МӘЛІМЕТТЕР
2.1. Қазақстан Республикасының заңнамасына сәйкес құрылған заңды тұлға (бұған дейін және бұдан әрі — «Ұйымдастырушы») Іс-шараны (Науқанды) Ұйымдастырушы болып табылады:
- Атауы: «Колеса» АҚ.
- Заңды мекенжайы: Қазақстан Республикасы, Алматы қаласы, Шевченко көшесі, 157/4.
- Пошталық мекенжайы: Қазақстан Республикасы, Алматы қаласы, Шевченко көшесі, 157/4.
- БСН: 970440003326.
3. ІС-ШАРАНЫ (НАУҚАНДЫ) ӨТКІЗУ МЕРЗІМІ
3.1. Іс-шараның (Науқанның) басталуы: 01.08.2026 жыл, сағ.09:00.
3.2. Іс-шараның (Науқанның) аяқталуы: 31.08.2026 жыл, сағ. 23:59.
4. ІС-ШАРАҒА (НАУҚАНҒА) ҚАТЫСУ ТӘРТІБІ
4.1. Іс-шараға (Науқанға) Қатысушы болу үшін Іс-шараны (Науқанды) өткізу мерзімі кезеңінде Kolesa.kz мобильді қосымшасын (бұдан әрі – «Қосымша») ашу, Іс-шара (Науқан) бетіне өту және «Қатысу» батырмасын басу, осылайша, осы Қағидалармен танысқанын және келісетінін растау қажет.
4.2. Қатысушыны сәйкестендіру Қосымшада бар пайдаланушы сәйкестендіргіші (ID) бойынша жүзеге асырылады. Нәтижелерді сақтау үшін негізгі ұялы телефон нөмірі бойынша авторизациядан өту қажет.
4.3. Қатысу фактісі ойынды алғаш бастаған кезде жазылады. Қатысушы ойынды әр апталық кезеңді өткізу кезеңінде шексіз рет бастауға құқылы.
4.4. Іс-шараға (Науқанға) осы Қағидаларда белгіленген шарттарға сәйкес келетін Қосымшаның барлық тіркелген пайдаланушылары қатыса алады.
4.5. Әр кезең аясында Қатысушыға дүйсенбіден жұмаға дейін күн сайын бір ойын тапсырмасы қолжетімді. Тапсырма жарияланған күні ғана қолжетімді; өткізіп алған тапсырманы басқа күні аяқтау мүмкін емес.
4.6. Қатысушылардың келесі санаттары ғана жүлделерді алуға үміткер бола алады:
Тиісті кезеңнің жүлде ұтысына қатысу құқығы тиісті апта ішінде кемінде бір күнделікті тапсырманы орындаған Қатысушыда туындайды.
Қатысушының жүлде алу мүмкіндіктерінің саны оның тиісті апта ішінде орындаған күнделікті тапсырмаларының санына байланысты: орындалған әрбір тапсырма осы кезеңнің жүлде ұтысына қатысуға бір қосымша мүмкіндік береді.
Егер Қатысушы тиісті апта ішінде бірде-бір күнделікті тапсырманы орындамаса, ол осы кезеңнің жүлде ұтысына қатыспайды, бірақ кейінгі кезеңдерге жалпы шарттарда қатысуға құқылы.
4.7. Әр кезеңнің қорытындысы бойынша 5 (бес) жеңімпаз анықталады. Ұтыс ойны 4.6-тармақтың өлшемдеріне сәйкес келетін қатысушылар арасында @kolesa.kz және @qaz.kolesa.kz Instagram-аккаунттарында тікелей эфирде өткізіледі. Барлық кезеңдегі жеңімпаздардың жалпы саны 21 (жиырма бір) адамды құрайды.
5. БАҒАЛЫ СЫЙЛЫҚТАР ҰТЫС ОЙНЫНА ҚАТЫСУ ШАРТТАРЫ
5.1. Жүлде қоры:
- Apple MacBook Neo (Apple A18 Pro) – 5 дн.;
- Apple Watch Series 11 GPS – 5 дн.;
- Sony WH-1000XM5 – 5 дн.;
- DJI Osmo Nano 128 GB – 5 дн.;
- iPhone 17 Pro 256 GB – 1 дн.
5.2. Ұйымдастырушы Науқан Жүлделерінің санын өзгерту, оларды құны, сапасы, жиынтығы және түрі бойынша ұқсас жүлделермен ауыстыру және/немесе осы Қағидаларда көзделмеген басқа да Жүлделерді Науқанға қосымша қосу құқығын өзіне қалдырады.
5.3. Жүлделердің түсі, жиынтығы немесе басқа сипаттамалары жарнамалық материалдарда көрсетілгеннен өзгеше болуы мүмкін.
5.4. Ұйымдастырушы Жүлделерді өндіруші болып табылмайды. Кепілдік қызмет көрсетуді өндіруші немесе ресми сервис орталығы Қазақстан Республикасының заңнамасына сәйкес жүзеге асырады.
5.5. Жүлделердің ақшалай баламасын беру, сондай-ақ басқа Жүлделермен алмастыру көзделмеген.
5.6. Жүлде алған адамдарға салық салу Қазақстан Республикасының қолданыстағы заңнамасының талаптарына сәйкес жүргізіледі.
6. НАУҚАН ЖЕҢІМПАЗДАРЫН АНЫҚТАУ ТӘРТІБІ
6.1. Ұтыс ойындарын өткізу және Науқан Жеңімпаздарын анықтау мерзімдері Науқан өткізу кестесіне сәйкес белгіленеді:
Ұтыс ойнының нәтижелері әлеуметтік желілерде @kolesa.kz және @qaz.kolesa.kz Instagram-аккануттарында жарияланады.
6.2. Науқан Жеңімпаздары Науқан өткізу кестесінде көрсетілген тиісті кезеңдерде кездейсоқ таңдау көмегімен арнайы компьютерлік бағдарламаны пайдалана отырып, осы Қағидаларда көрсетілген Науқанның барлық шарттарын орындаған Қатысушылар арасында кездейсоқ сандар генераторы арқылы айқындалады.
6.3. Науқан Жүлделерінің ұтыс кестесін Ұйымдастырушы демалыс және мереке күндерін ескере отырып, сондай-ақ Ұйымдастырушыға тәуелді емес мән-жайлар туындаған кезде түзете алады.
6.4. Науқанның әрбір Қатысушысына бірегей нөмір беріледі. Қатысушы бірегей нөмірді Қосымшаның жеке кабинетінде алады.
Егер Жеңімпаз Қағидалардың 7.3-тармағы бойынша Жүлдені алуды растамаса, Жүлде Жүлде қорына қайтарылады және келесі кезеңге Қатысушылар арасында сол шарттармен ойналады. Соңғы кезеңнің талап етілмеген Жүлделері осы кезеңге Қатысушылар арасында қайта ойнатылады.
Бас жүлде (iPhone) Акцияның барлық 4 кезеңі шеңберіндегі барлық күнделікті тапсырмаларды өткізіп алмай орындаған және апталық ұтыстардың ешқайсысында жеңімпаз атанбаған Қатысушылар арасында тамыздың соңғы дүйсенбісінде ұтысқа салынады.
6.5. Аралық ұтыс ойындарының бірінің Жеңімпазы басқа аралық ұтыс ойындарына және Бас жүлденің ұтыс ойнына қатыспайды.
6.6. Жүлде иегерлеріне бұл туралы мобильді қосымшаның ішкі чатындағы жеке хабарламалар арқылы және (немесе) тіркелу кезінде көрсетілген телефон нөміріне SMS немесе хабарлама жіберу арқылы хабарланады.
6.7. Қолданушыға бекітілген Қосымшада тіркелген ұялы телефон нөмірі Науқанның барлық Кезеңінде Қатысушыға сақталуы керек. Ұялы телефон нөмірін үшінші тұлғалар иеліктен шығарған немесе тіркелген ұялы телефон нөмірін өзгерткен жағдайда, Жеңімпаз Науқан Жүлдесін алу құқығынан айырылады.
7. ЖҮЛДЕЛЕРДІ АЛУ ТӘРТІБІ
7.1. Жүлделер ұтыс ойнының тиісті кезеңі өткізілгеннен кейін Жеңімпаздарға беріледі.
Жүлдені алу үшін Жеңімпаз хабарлама алған сәттен бастап 6 (алты) күнтізбелік күн ішінде (Қағидалардың 6.6-тармағы) алғанын растайды және ТАӘ, ЖСН, жеткізу мекенжайын (Алматы қаласынан тыс жерде болған жағдайда) ұсынады.
Ұйымдастырушы салық заңнамасының талаптарын орындау үшін қажетті қосымша мәліметтерді сұратуға құқылы.
7.2. Жүлде Ұйымдастырушының кеңсесінде Жеңімпазға беріледі. Науқан Жүлделерін тапсыру Жеңімпаздың жеке басын куәландыратын құжаттың түпнұсқасын көрсету арқылы жүзеге асырылады. Басқа қаладан Жеңімпазға Жүлдені курьерлік қызмет өзі көрсеткен мекенжай бойынша жібере алады.
7.3. Егер Жеңімпаз Жүлдені алғанын растамаса немесе Қағидалардың 7.1-тармағы бойынша мерзімде деректерді ұсынбаса, Жүлде талап етілмеген болып есептеледі және Қағидалардың 6.4-тармағы бойынша Жүлде қорына қайтарылады. Талап етілмеген Жүлде сақталмайды, берілмейді, өтелмейді.
7.4. Табыстау фактісі қабылдау-тапсыру актісімен және/немесе фото/бейне тіркеумен расталады. Ұйымдастырушының міндеттемесі Жүлде берілген сәттен бастап орындалды деп есептеледі.
7.5. Науқан Ұйымдастырушысының Науқан Жүлделерін Жеңімпаздарға беру жөніндегі міндеттемесі оларды Жеңімпаздарға берген сәттен бастап орындалды деп есептеледі.
7.6. Егер Жеңімпаз Науқан Жүлдесін алудан бас тартса немесе оны алуға ниет білдірмесе, сыйлық талап етілмеген болып саналады, ал ұтыс ойын Жеңімпазының Жүлдені алу құқығы жоғалады. Жүлдені алудан бас тартқан немесе оны көрсетілген мерзімде алуға ниетін білдірмеген ұтыс ойынының Жеңімпазы осы мерзім өткеннен кейін Ұйымдастырушыдан талап етілмеген Жүлдені талап етуге құқылы емес.
7.7. Іс-шараны (Науқанды) өткізу мерзімі аяқталғаннан кейін барлық талап етілмеген Жүлделер Ұйымдастырушының меншігіне өтеді.
8. ДЕРБЕС ДЕРЕКТЕР ЖӘНЕ КЕЛІСІМ
8.1. Науқанға қатыса отырып, Қатысушы Науқан өткізу және Жүлделерді тапсыру мақсатында «Дербес деректер және оларды қорғау туралы» ҚР Заңына сәйкес өзінің дербес деректерін (оның ішінде ТАӘ, ЖСН, телефон нөмірі, мекенжайы) жинауға, өңдеуге және сақтауға келісім береді.
8.2. Жеңімпаз Жүлдені табыстау процесінің фото және бейне түсіріліміне және осы материалдарды Ұйымдастырушының ресурстарында және әлеуметтік желілерінде сыйақы төлемей жариялауға келісім береді.
8.3. Келісім Науқанға қатысу кезінде белгі қою және/немесе қатысу бойынша іс-әрекеттер жасау арқылы расталады.
8.4. Ұйымдастырушы дербес деректерді өңдеуді тек Науқанды өткізу мақсатында үшінші тұлғаларға тапсыруға құқылы.
9. ІС-ШАРАНЫ (НАУҚАНДЫ) АҚПАРАТТЫҚ ҚОЛДАУ
9.1. Осы Қағидалар, Науқанның шарттары мен нәтижелері туралы ақпарат Қосымшада және Ұйымдастырушының әлеуметтік желілердегі парақшаларында орналастырылады. Ұтыс ойындарының нәтижелері @kolesa.kz және @qaz.kolesa.kz Instagram-аккаунттарында тікелей эфирде жарияланады.
9.2. Осы Қағидалар Қосымшада орналастырылуға тиіс. Сондай-ақ Іс-шараның (Науқанның) шарттары және оның нәтижелері туралы ақпарат Қосымшада орналастырылатын болады.
9.3. Қатысушыларды Науқанды өткізудің шарттары мен нәтижелері туралы хабардар ету Сайтта, сондай-ақ Ұйымдастырушының әлеуметтік желілердегі парақшаларында тиісті ақпараттық материалдарды орналастыру арқылы жүзеге асырылатын болады.
10. ҚОРЫТЫНДЫ ЕРЕЖЕЛЕР
10.1. Ұйымдастырушы өз қалауы бойынша Қосымшада тиісті ақпаратты орналастыру арқылы кез келген уақытта осы Қағидаларды өзгертуге құқылы. Өзгертілген Қағидалар, егер өзгерістер мәтінінде өзгеше көрсетілмесе, Қосымшада орналастырылған сәттен бастап күшіне енеді.
10.2. Ұйымдастырушының күтпеген жағдайлар туындаған жағдайда, Іс-шараны (Науқанды) өткізу мерзімдерінің күшін жоюға, тоқтата тұруға немесе өзгертуге құқығы бар.
10.3. Ұйымдастырушы осы Қағидаларды бұзды деп күдіктелген Қатысушының Іс-шараға (Науқанға) қатысуының күшін жою құқығын өзіне қалдырады.