Меруерт: 2жылдан бері тек өзім мініп жүрмін. Тек қала ішінде. Қалай келді, солай жүрмін. Еш жерін жасатпадым, ұрмадым, соқпадым. Салон таза, сақұр сұқыры жоқ. Бензин құйып, майын уақытылы ауыстырсаң шаба беретін тұлпар. Ең ұзақ жол жүргенім Сарыағаш шығар. Трассада зуылдааап ұшасыңғо. Тартысы жақсы жұлқынып тұрған айғыр сияқты. Жігіттерге тем более ұнайды деп ойлаймын. Ааа ещё қыста қарда да мұзда да вообще қорықпай смело жүресің. Субару Оутбак десе дейтіндей ақ. Келіп көріп мініп айдақ қарауға болад Меруерт
Шаһ-Сұлтан: Грузиядан 7 орындық көлік табылмай, қалтадағы қаржыға бұйырғаны осы болды. Тойота десе тепсініп шыға келетін қазекең әсіресе Камри десе басқа көлікті менсінбейді ғой. Бірақ Субаруың қонаққа да, шаруаға да қысылмай баратын әдемі мәшине екен. Жалтыратып жуып қойсаң, қыз түгілі, кемпірің де қызығып көз тігетін сәйгүлік. Тартуы күшті, ГТА-дағыдай код теріп жазатын екінші өмірің запаста тұрса, Альфардтарды артта қалдырасың. Тек тапатып отырсаң, май алатыны бар екен. Бірақ майды кім жемейді? 4ВД қосатындай күртік қарға түспедік. Оның керегі де шамалы, желігетін жас емеспіз. Бірақ анау-мынау жерге батпайтынына сенімдімін. Орғытып ойқастап өтуге болады. Кемшілігі: жүріп келіп, 20 минуттан кейін от алдырсаң, тахометр көтеріліп арылдап шыға келеді. Сосын күтіп отырғаның. Бұрынғы көліктерде ондай болмаған. Жеңіл көлік сияқты болса да, жүрісі қатты, шоқалаққа сезімтал. Бір кесек тасты басып кетсе де, секірткенде табаныңа шөңге кіргендей ауырсынып отырасың. Қосалқы бөлшектері қымбат, тапсырыспен алдыртасың. Майдың жақсысын, бензиннің тәттісіне үйреніп қалған жалмауыз екен. Тоңазытқыш сыйғанмен, диванды сыйғызу қиын.12 метрлік пластик құбырды екі бөліп тиедім.25 сантиметр ұзынырақ болғанда ғой, шіркін деп өкінеміз сондайды. Енді 5-10 жылда ФВ-Пассаттар шіріп бітеді, соның орнын басатын шаруа көлік болары анық. Субару жақсысы жақсы-ау. Тек баптап, күтіммен айдау керек. Прицеп тіркеуге, көлік сүйреуге вариаторынан қорқасың. Камридің жұмсақтығын, крузактың сыйымдылығы бір өзінен табылатын көлік қашан шығар екен?
