Renault Duster 2021 г.

Mr. D: Ассалаумағалейкум Қазақ елі! 2021 жылдың соңына қарай кішкене артық қаражат пайда болып, жалпы жақсы мәшине алатындай мүмкіншілік туындады. Бұған дейін 2, 5 жылдан артық уақыт жаяу жүруге тура келді. Осы жолы да б/у мәшинелерді қарағым келген жоқ. Тек қана су жаңа автосалондардағы көліктерді қарастырдым, және де кроссоверларға артықшылық берілді, сонымен қатар қытайлардың жасаған мәшинелерін қарастырмадым. Ізденістің басында жаңа кузовтағы Киа Спортэйдж алғым келді, бірақ 100% толық алатындай қаражат жеткен жоқ, ал несиеге жолағым келмеді. Сонымен қатар Ниссан Кашкай қарастырдым, бірақ жақсы жоғары комплектациялары қымбаттау болды. Содан соң ізденісті әрі қарай жалғастырып, осы Рено Дастерге көзім түсті. Бұл Дастер ІІ алдыңғы дастерлерге қарағанда сырты да, іші де мүлдем басқа, ерекше әдемі болып көрінді. Өзі сол жылы солтүстік көршіміздің нарығына жаңадан шыққан модель екен. Осыдан бастап осы Дастер ІІ туралы ақпараттарды зерделеп жинай бастадым. Соның ішінде ресейлік мықты деген автоблогерлардың видеоларын қарап шықтым. Олардың барлығы бұл модельді алдындағы Дастер І — мен салыстырғанда әлде қайда жақсы деп, мақтаумен болды. Ұзын сөздің қысқасы, осы қарастырып-жиған ақпараттың негізінде Рено Дастер ІІ алуға, тәуекел етіп, бел будым. Осы жолы тек жоғары Стайл деп аталатын комплектацияға көз тігілді. Содан соң, осы колеса приложениесі арқылы сол кезде Реноның официалды өкілі Алматыдағы Сүйінбай көшесінде орналасқан Астер авто автосалонының сәйкес хабарландыруын тауып, қоңырау шалып, Николай есімді менеджерге өз қалауымды (таңдауымды) айтып жеткіздім. Бірақ, өкінішке орай, сол кезде Алматыда мен іздеген Стайл комплектациясындағы Дастер 2 жоқ болып шықты. Есесіне Павлодар қаласындағы филиалының автосалонынан күміс түсті, Стайл комплектациясындағы бір автокөлік табылды. Сол сәтте осы табылған автокөлікті брондау мақсатымен Сүйінбай даңғылындағы автосалонға ұшып барып ақшалай кепілімді (задаток) төледім де, екі аптадай күттім. Сөйтіп, желтоқсан айының басында көлігім Алматыға келгеннен кейін оның толық 100% құнын төлеп тастап (өзі жуық шамамен 10 млн. Және қосымшалардың (допы) бағасы 1 млн.), автосалоннан қуанып айдап шықтым. Толық 4 жыл айдап, биыл 2025 жылдың қараша айында 31 мың км жүрісімен жаңа иесіне сатып жібердім. Айтайын дегенім, қолдану барысында бұл темір тұлпарым бірде-бір қиын жағдай тұдырып, жолда қалдырған емес. Басында 1.3 көлемді қозғалтқышта, аз болса да, күмән болды, бірақ 150 аттың күші бар, немістің Даймлер және француздық Рено кампанияларының бірлесіп шығарған, бұл турбомоторы (TCe 150 л. С.) өзін тек жақсы жағынан көрсете алды. Әрбір 7, 5 мың — 8 мың км аралығында жол өткен сайын, төрт рет май ауыстырып үлгердім және бұған тек Рено компаниясының мақұлдауы (допуск) RN 700/701 бойынша 5W40 майын құйып отырдым. Фильтрлердің үшеуін де, әсіресе май фильтірін, жақсыларын (қымбаттырақ) алуға тырыстым. Сонымен қатар, осы көліктегі жапондық Jatco компаниясының әзірлеп шығарған вариаторының да (CVT X-Tronic, индексі JF016E) жақсы жұмыс істеуіне көзім жетті. Бірақ оның майын ауыстыруға үлгермедім, себебі ол 40 мың км жүрілгенге дейін ауыстырылуы тиіс екен. Егер де, бұл темір тұлпарымды сатып жібермей, 40 мың км шақырымға дейін айдап жүргенімде, онда тек Ниссанның заманауи оригинал синтетикалық, вариаторларға арналған CVT Fluid NS-3 майын құятын едім. 2024 жылдың тамыз айында, яғни қолданыстағы үшінші жылдың соңына қарай (таңғаларлық жәйт), аккумуляторды ауыстыруға тура келді, өйткені өзінің оригинал 70 mAh Ниссан-Рено аккумуляторы заряд ұстамайтын болды. Өзіміздің отандық өндіруші Талдықорғандық Қайнар зауыттың 75 mAh Барс атты аккумуляторына таңдауым түсті. Бір жағынан өзіміздің отандық өндірушіні қолдау мақсатпен, екінші жағынан бағасы қол жетімді және 12 ай кепілдігі бар болған соң таңдадым. Бұдан басқа, 30 мың км-ге жуық шақырым жол жүргеннен кейін ходовканың сол жағы, әр ой-шұңқырдан өткен сайын, тықылдағаннан кейін, сол жақтағы серьга мен наконечникті ауыстыруға тура келді, сонымен қоса бұлардың оң жақтағы жұптарын да бірге қосып ауыстыртып, геометриясын (развал-схождение) бірақ жасаттым. Бұлардың тек СТР деген кореялық компанияның қосалқы бөлшектерін (запчастьтарын) салдым. Осыдан кейін ходовкасы зың болды. Сонымен қатар, алдыңғы колодкасын да, Хай-Кью оңтүстік кореялық брендтен сатып алып ауыстырдым. Бұдан басқа салыстырмалы түрде (относительно) ірі шығындар болған емес, ал ұсақ-түйектері болды, оларға мыналарды жатқызуға болады: бір рет оң жақтағы жақын жарық фарасының жарық шамы (лампочкасы) күйіп қалғанда, Н7 Осрам компаниясының жарық шамын сатып алып салғанмын. Тіпті, содан кейін, екі жақ фарадағы, істеп тұрғанына қарамастан, Бош компаниясының Xenon Blue (ақшыл түсті жарық) атты жарық шамдарын алып ауыстырып қойдым. Артқы оң жақтағы тежегіш жарық шамын, күйіп, жанбай қалған соң, ауыстыруға тура келді. Үш рет алдыңғы әйнек тазалағыштарды ауыстырдым. Қорытындылап айтатын болсам, бұл француз көлігі, яғни екінші буындағы Дастер ІІ көңілімнен толықтай шықты, өте керемет автокөлік. Өкінішке орай, қазақ арасында дұрыс бағаланбаған көлік. Оған көзімді сату барысында жеткіздім, өйткені қызығушылық танытқандардың арасында бірде бір өзіміздің қара домалақ қазағымыз болған жоқ, есесіне орыкеңдер хабарласып сұрап жатты. Сатып алған Сергей есімді жігіт, бұл көлікті еліміздің сол түстік өңіріне айдап, қуанып алып кетті. Айтып жеткізейін дегенім осы, кейбір жерлерінде қате жазылып қалған болса кешірерсіздер, телефоннан жазғаны ыңғайсыздау екен. Еліміз аман, жұртымыз тыныш, Тәуелсіздігіміз тұғырлы болсын! Әрбір шаңырақ қуанышқа бөленіп, Отанымыз көркейе берсін!

Игорь: От машины за эти деньги ничего не ожидали. Бюджетный кроссовер. Не самый популярный в нашей стране автомобиль. Брали по бюджету в общем. После покупки обрадовала динамика машины. Турбо отрабатывает все деньги. Разгон для города моментальный и динамичный. Расход топлива тоже порадовал. Забыл, что такое заправка. Салон приятный, все на своих местах. Кондиционер включал не на всю мощность, быстро холодит, печка зимой греет всю машину хорошо. Полный привод у него внедорожный, нигде не застревали, выехали зимой с Алматы в Астану. На трассе ехали как короли. Фары галогеновые, в любых комплектациях. Это минус, на трассе не хватает немного. Музыка тоже простая (просто играет) Это наверное единственные минусы в этой машине. В остальном это машина очень надежная. Ничего не нужно делать даже после 100 тысяч километров. Замена расходников и все. Если планируете брать недорогой поддержанный кросссовер на все случаи жизни, то не сомневайтесь их брать. Ее можно смело назвать Тойотой